សេចក្តីរាយការណ៏ដែលសុំមិនបញ្ចេញឈ្មោះពីខេត្តសៀមរាប មកបានឲ្យដឹងថា នាយការិយា
ល័យ ក២ ភូមិភាគ៤ លោក ម៉ូត សឿម ដែលត្រូវជាកូនចៅរបស់លោក ជា ម៉ន មេភូមិភាគ៤កំពុងតែយករថយន្តអង្គភាព មកដឹកឈើខុសច្បាប់លក់ចែកចាយក្នុងក្រុងសៀមរាប យ៉ាងអាណាធិបតេយ្យ ដោយគ្មានជំនាញណាម្នាក់ហ៊ានបង្រ្កាបនោះឡើយ ។
សេចក្តីរាយការណ៏បានឲ្យដឹងបន្តរទៀតថា កាលពីថ្ងៃទី១៥ ខែកក្កដា ឆ្នាំ២០១២ វេលាម៉ោង៧និង៣៧នាទីយប់ មានរថយន្តពណ៏ត្រេអ៊ី១គ្រឿង បានដឹកឈើពេញដោយមានទាហ៊ានអង្គុយពីលើ ហើយបានធ្វើដំណើរមកពីផ្លូវលេខ៦៧ សំដៅចូលក្រុងសៀមរាប តែដោយសារមានរថយន្តមេព្រៃ ដេញប្រកិតពីក្រោយ ដោយមិនដឹងថាជារបស់លោក ជា ម៉ន
មេភូមិភាគ៤ និងដើម្បី កុំឲ្យមានបញ្ហា រថយន្តពណ៌ត្រេអ៊ីដែលដឹកឈើពេញនោះ បានបើកចូលទៅក្នុងបន្ទាយភូមិភាគ៤ បាត់ទៅ
ហើយបន្ទាប់ពីរថយន្តខាងលើបើកចូលក្នុងបន្ទាយភូមិភាគ៤ រថយន្តរបស់មេព្រៃខាង
លើគឺមិនហ៊ានចូលទៅឆែកឆេនៅក្នុងបន្ទាយនោះឡើង បន្ទាប់មកក៏បានបើករថយន្តចេញទៅបាត់ទៅ ។
បន្ទាប់មកនៅថ្ងៃទី១៦ ខែកក្កដា ឆ្នាំ២០១២ វេលាម៉ោង៥និង៣០នាទី រថយន្តដដែលនេះបានដឹកឈើពេញសាជាថ្មីម្តងទៀតដាក់អោយទាហ៊ាននៅអង្គុយពីលើឈើដដែល ដោយបានដឹកចូលមកក្នុងដីឡូរបស់លោក ម៉ូត សឿម នាយការិយាល័យ ក២ ភូមិភាគ៤ ដែលស្ថិតនៅក្នុងសង្កាត់
ស្វាយដង្គំ ក្រុងសៀមរាប ។
ប្រភពខាងលើបានឲ្យដឹងបន្តរទៀតថា បើតាមការមើលជាក់ស្តែងឈើដែលលោក ម៉ូត សឿមដឹកយកមកទុកនេះជាប្រភេទឈើអាលេខ២ ដែលមានកំរាស៥ហ៊ុន ទទឹង២តឹក បណ្តោយពី៤-៦ម៉ែត្រ
ហើយដឹកពេញៗរថយន្តស្ទើរបាក់ថ្នល់ដោយគ្មានជំនាញ ឬសមត្ថកិច្ចណា ហ៊ានបង្រ្កាបទេព្រោះខ្លាចអំណាចបុណ្យសក្តិលោក ម៉ូត សឿម ណាមួយជាកូនចៅរបស់លោក ជា ម៉ន ថែមទៀតផង ។
ចំណែកឯប្រជាពលរដ្ឋដែលរស់នៅក្បែរផ្ទះរបស់លោក ម៉ូត សឿម បានប្រាប់ដោយសុំលាក់ការ ជាសំងាត់អោយដឹងថា
រថយន្តទាហ៊ានដឹកឈើចូលផ្ទះរបស់លោក ម៉ូត សឿម នេះមិនមែនទើបតែលើកទីមួយនោះទេ គាត់ថាវាស្ទើរតែជារៀងរាល់យប់ទៅហើយ ។ ដោយគាត់ប្រាប់ទាំងរាង
លាក់លាម និងរដេប រដុបថា គាត់បានឃើញរថយន្តដឹកឈើដាក់ក្នុងដីឡូដែលជាកម្មសិទ្ធិរបស់
លោក ម៉ូត សឿម នេះជាច្រើនឆ្នាំមកហើយ ។ គាត់ថា គាត់ធ្លាប់បានឃើញសមត្ថកិច្ច និងអ្នកកាសែតធ្លាប់តាមមកដល់ទីកន្លែងនេះដែរ តែត្រូវបានកូនចៅរបស់លោក ម៉ូត សឿម កុហក់អ្នក ទាំងនោះថា គឺយកឈើនោះមកដើម្បីធ្វើផ្ទះ ។ គាត់បានប្រាប់ទៀតថា តែតាមពិតទំលាក់ពីឡានអស់ ហើយនៅពេលស្ងាត់ គេបានអោយរ៉ឺម៉កចូលទៅដឹកឈើទាំងនោះ ដាក់តាមដេប៉ូលក់ឈើឬយកទៅឲ្យអ្នកដែលកម្ម៉ង់ទិញ
ទើបបានជាមានការដឹកចេញតែរហូត មិនចេះចប់មិនចេះហើយ ។ ប្រជាពលរដ្ឋដដែលបានបន្តរទៀតថា ពួកគាត់ក្នុងភូមិគឺមានការសង្ស័យថា គេត្រូវរូវជាមួយលោក ជា ម៉ន ហើយថែមទាំងអាចមានភាគហ៊ុនជាមួយលោក ជា ម៉ន ថែមទៀតផង បានជាហ៊ានដឹកឈើគេចចូលភូមិភាគ៤ នៅពេលដែលមានសមត្ថកិច្ចដេញតាមពីក្រោយនោះ ។
សេចក្តីរាយការណ៏ក៏បានឲ្យដឹងទៀតផងដែរថា ប្រជាពលរដ្ឋ
និងមន្រ្តីពាក់ព័ន្ធមូយចំនួនគឺធ្លាប់ បានរាយការាណ៏រឿងនេះទៅលោក ឡឹង សុខា ដែលជាមន្រ្តីរដ្ឋបាលព្រៃឈើ ក្រុងសៀមរាប ផងដែរ តែលោកមានប្រសាសន៏ប្រាប់តមមកវិញថា ពុំដែលមាននរណាគេហ៊ានបង្រ្កាបផ្ទះលោក ម៉ូត សឿម
ដែលជានាយការិយាល័យ ក២ ភូមិភាគ៤ នោះទេ ណាមួយលោកជាកូនចៅតូចតាច
មិនមានលទ្ធភាពចាត់ការរឿងនេះឡើយ
សូមជូនដំណឹង និងរាយការណ៏រឿងនេះទៅថ្នាក់លើជា បន្តរទៀតចុះ ។
ចំណែឯលោក យឹម ស៊ីវន ដែលជានាយសង្កាត់រដ្ឋបាលព្រៃឈើស្រុកប្រាសាទបាគង និងក្រុងសៀមរាប បានប្រាប់ផងដែរថា លោកនៅឆ្ងាយកំពុងតែវាស់ដីចែកជូនប្រជាពលរដ្ឋជាមួយក្រុមយុវជនស្ម័ក្រចិត្តមិនមានពេលចាត់ការរឿងនេះទេ
សូមរាយការណ៏ទៅអ្នកផ្សេង ឬទៅថ្នាក់លើទៅ ។
បន្ទាប់ពីប្រជាពលរដ្ឋ និងមន្រ្តី មួយចំនួនបានទទួលដំណឹងនេះ
ធ្វើឲ្យពួកគាត់គ្រប់ គ្នាស្រងាកចិត្តជាខ្លាំង ដោយពួកគាត់បានលើកឡើងថា មន្រ្តីរដ្ឋបាលព្រៃឈើធំៗ
នៅក្នុងខេត្តសៀមរាប គឺមិនហ៊ានប៉ះលោក ម៉ូត សឿម ទាល់តែសោះ ដែលពួកគេខ្លាចលោក ម៉ូត
សឿម ជាងខ្លាចលោក ហ៊ុន សែន ទៅទៀត ។
សូមជំរាបថា នៅខេត្តសៀមរាប នាពេលបច្ចុប្បន្ននេះគ្មានមន្រ្តីជំនាញណា ឬសមត្ថកិច្ចណាម្នាក់ហ៊ានទប់ស្កាត់ ឬបង្រ្កាបក្រុមអ្នករកស៊ីខុសច្បាប់ដែលមានអំណាចនោះទេ
ដោយសមត្ថកិច្ចទាំងនោះ
គេបង្រ្កាបបានតែក្រុមអ្នកក្រដឹកអុស និងដឹកធ្យូង រកស៊ីតូចតាចតែប៉ុណ្ណោះ។
ដូចនេះមន្រ្តីដែលពាក់ព័ន្ធ ជាពិសេសគឺមេរដ្ឋបាលព្រៃឈើលោក ស៊ុន គឹមស្រ៊ុន
ត្រូវតែចាត់ការ ចំពោះករណីជួញឈើល្មើសច្បាប់ពីសំណាក់លោក ម៉ូត សឿម ដែលជានាយការិយាល័យ ក២
ភូមិភាគ៤ និងអ្នកដែលពាក់ព័ន្ធឲ្យបានប្រញាប់
និងមានប្រសិទ្ធភាព ដើម្បីកុំឲ្យបទល្មើសនេះកើតឡើងដដែលជាដដែលទៀត
នៅក្នុងជួរមន្រ្តីរាជការ និងសមត្ថកិច្ច ព្រោះកាលពីពេលកន្លង ទៅលោក ហ៊ុន សែន នាយករដ្ឋមន្រ្តី
ក៏បានធ្វើការប្រកាសផងដែរថា មន្រ្តីមានសមត្ថកិច្ចទាំង អស់ត្រូវតែដកខ្លួនចេញឲ្យឆ្ងាយពីបទល្មើសផ្សេងៗ
និងជៀសឲ្យផុតពីការប្រព្រឹត្តអំពើពុករលួយ ។ តែគេសង្កេតឃើញថាបទបញ្ជារបស់លោក ហ៊ុន សែន
ខាងលើគ្មានមន្រ្តីថ្នាក់ក្រោមណាម្នាក់ យកទៅអនុវត្តទាល់តែសោះ ។ ដូចនេះជាថ្មីម្តងទៀត
លោក ហ៊ុន សែន ត្រូវតែដាក់បទបញ្ជា
អោយបានតឹងរឹងជាងមុនបន្ថែមទៀត ចំពោះឥឡូវនេះអ្នកមានអំណាច បុណ្យសត្តិ បានយកតួនាទីរបស់ខ្លួន ទៅរកស៊ីខុសច្បាប់ដែលខ្លួនជាអ្នកកាន់ច្បាប់បែរជាយកច្បាប់មកទ្រាប់គូទអង្គុយទៅវិញនោះ ដែលទង្វើនេះគឺជាគំរូមួយដ៏អាក្រក់ជាទីបំផុត មិនគួរឲ្យកើតមានទៀតនោះ
ឡើយ ៕
No comments:
Post a Comment
yes