ក. អ្វីទៅជាស្រេ្តស?
- ស្រ្តេស(ការតានតឹងក្នុងចិត្ត) ជាលទ្ធផលដែលកើតចេញពីប្រតិកម្មរវាងអារម្មណ៍ និងសរីរាង្គកាយទៅនឹងស្រ្តេសស៊រ័ (ប្រភពនាំឲ្យមានការតានតឹងក្នុងចិត្ត)។
- ស្រ្តេសស៊រ័ (ប្រភពនាំឲ្យមានការតានតឹងក្នុងចិត្ត) មានប្រភពមកពីបរិស្ថាន ទំនាក់ទំនង ការងារ និងសង្គម។
- ស្រ្តេសជាបញ្ហាមួយកើតស្ទើរតែគ្រប់បុគ្គលទាំងអស់ មិនថាស្រ្តីឬបុរស អ្នកមានឬអ្នកក្រ អ្នកជនបទឬទីក្រុង និងមិនថាតែពេលណាឬមួយណាឡើយនៃដំណើរជីវិតរស់នៅរបស់យើងគ្រប់ៗរូប។
- ស្ត្រេសនាំទៅដល់ការប៉ះពាល់ទាំងសុខភាពផ្លូវចិត្ត និងផ្លូវកាយ។ ស្ត្រេសមានពីរប្រភេទ អវិជ្ជមាន និងវិជ្ជមាន៖
១. អវិជ្ជមានដូចជាភាពបាត់បង់ការងារ ឬគ្មានការងារធ្វើ ការលំបាក និងភាពស្មុគស្មាញក្នុងផ្ទះសម្បែង ក្នុងសាលា ឬក្នុងការិយាល័យ។
២. វិជ្ជមានដូចជា ការមានបុត្រដំបូង អាពាហ៍ពិពាហ៍ ឬការមានផ្ទះថ្មី។ល។
ខ. អ្វីខ្លះជារោគសញ្ញាស្ត្រេស?
រោគសញ្ញានៃស្ត្រេសមានដូខខាងក្រោម៖
១. ការបម្រែបម្រួលរាង្គកាយៈ
- បេះដូងដើរញាប់ និងចង្វាក់ដង្ហើមខ្លីៗ
- ឈឺក្បាល វិលមុខ
- ត្រជាក់ចុងដៃ-ជើង
- រសេសរសោះ អស់កម្លាំង ល្ហិតល្ហៃ
- ចុកចាប់ តឹងណែនសាច់ដុំ
- ឈឺចុកចាប់ក្នុងក្រពះ ចង្អោរ ឬរកកលចង់ក្អួត
- នោមញឹក
២. ការបម្រែបម្រួលអារម្មណ៍ៈ
- តឹងតែងក្នុងចិត្ត
- ព្រួយចិត្ត ឬធ្លាក់ទឹកចិត្ត
- ព្រួយបារម្ភ
- ឆេវឆាវ ឬខឹងច្រើន
៣. ការបម្រែបម្រួលអាកប្បកិរិយាៈ
- ញ៉ាំមានការប្រែប្រួល
- មិនចង់ចូលរួមកិច្ចការសង្គម
- វិបត្តិដំណេក វិបត្តិផ្លូវភេទ
- ឥរិយាបទឈានទៅរកការសេពគ្រឿងញៀន សុរា
៤. ការបម្រែបម្រួលលើគំនិតៈ
- ការចង់ចាំ និងការផ្ចង់គំនិតថតចុះ
- ពិបាកក្នុងការសម្រេចចិត្ត
- មានគំនិតអវិជ្ជមាន
- អស់សង្ឃឹម
គ. វិធីព្យាបាលងាយៗក្នុងការគ្រប់គ្រងស្រ្តេស
ការគ្រប់គ្រងទៅលើស្ត្រេសមានវិធីសាស្ត្រ ៤ យ៉ាង ដូចខាងក្រោម៖
១. ការកំណត់សញ្ញាស្ត្រេសឲ្យឃើញតាំងតែពីដំបូង
២. ការវិភាគឲ្យឃើញនូវប្រភព ឬមូលហេតុស្ត្រេស
៣. ការឆ្លើយតបដោយវិធីសាស្ត្រដ៏មានប្រសិទ្ធភាព ឬដោះស្រាយនូវរាល់ប្រភពនៃស្រ្តេសទាំងនោះ៖
- ការចំណាយពេលវេលាលំហែរខាងក្រៅផ្ទះ ឬក្រៅពីការិយាល័យធ្វើការ
- ប្រើវិធីសាស្ត្រនៃការដកដង្ហើមនៅពេលដែលតានតឹង
- ប្រើវិធីសាស្ត្របែបសម្រាកសាច់ដុំ ជាដំណាក់កាលៗ
៤. វិធីការពារនូវស្រេសថ្មីៗផ្សេងទៀតដែលនឹងអាចកើត
* ប្រការចាំបាច់គួរតែធ្វើ៖
– ការសម្រាកកាយ-ចិត្ត
- ការធ្វើលំហាត់ប្រាណដោយទៀតទាត់ និងជាប្រចាំ
- ការញាំដោយមានតុល្យភាពរវាងសាច់-បន្លែ-ផ្លែឈើ និងគ្រាប់ធញ្ញជាតិនានា
* ប្រការដែលមិនគួរធ្វើ៖
- ពិសារស្រា-ការសេពគ្រឿងញៀន
- ពិសារកាហ្វេ-បារី
**មានវិធីសាស្រ្តផ្សេងទៀត
១. ភាពលេងសើចសប្បាយឲ្យបានជាប្រចាំក្នុងពេលកំពុងបំពេញការងារជាមួយអ្នករួមការងារ
២. ការកំសាន្តតាមទីរមនីដ្ឋាននានា-ការធ្វើដំណើរដោយថ្មើជើង ឬធាក់កង់ទៅទីកន្លែងដែលមានខ្យល់អាកាសបរិសុទ្ធ-ឡើងភ្នំជាដើម។ល។
៣. ការធ្វើសមាធិ-Yiga
៤. ការព្យាបាលបែបបុរាណដោយធ្វើម៉ាស្សា
No comments:
Post a Comment
yes